ఖతార్‌ ఫ్యూయెల్‌ (వకూద్‌) ప్రస్తుతం ఉన్న మెటల్‌ గ్యాస్‌ సిలెండర్లను పూర్తిగా తొలగించి, ట్రాన్స్‌పరెంట్‌ ప్లాస్టిక్‌ గ్యాస్‌ సిలెండర్లను అందుబాటులోకి తీసుకురానుంది. 2017 మధ్యలో ఈ ప్లాస్టిక్‌ సిలెండర్లు అందుబాటులోకి రావొచ్చని వకూద్‌ చీఫ్‌ ఎగ్జిక్యూటివ్‌ ఆఫీసర్‌ ఇబ్రహీమ్‌ జహమ్‌ అల్‌ కువారి చెప్పారు. ప్లాస్టిక్‌ సిలెండర్లపై అవగాహనా కార్యక్రమాల్ని కూడా కొనసాగించనున్నట్లు చెప్పారాయన. ఇప్పటికే చాలా వరకు షఫాఫ్‌ సిలెండర్లు (ట్రాన్సపరెంట్‌ ప్లాస్టిక్‌) అందుబాటులోకి వచ్చాయి. షఫాప్‌ సిలెండర్లు, మెటల్‌ సిలెండర్లతో పోల్చితే ఇంకా స్ట్రాంగ్‌గా ఉంటాయనీ, పేలుడు అవకాశాలు చాలా తక్కువని అన్నారు. మెటల్‌ సిలెండర్ల బరువు 12 కిలోలు కాగా, ప్లాస్టిక్‌ సిలెండర్లు కేవలం 5 కిలోల బరువు మాత్రమే ఉంటాయని వివరించారాయన. ట్రాన్స్‌పరెంట్‌గా సిలెండర్లు ఉంటాయి గనుక, గ్యాస్‌ ఎంత ఉందో తెలుసుకునేందుకు వీలవుతుంది. వకూద్‌, 100 ఖతారీ రియాల్స్‌ కాంపన్సేషన్‌తో వినియోగదారుల్ని ఆకట్టుకునే ప్రయత్నం చేస్తోంది.