‘గుడ్ లక్ సభి’ అంటూ గతంలో ఓ సినిమాలో నటించింది కీర్తి సురేష్. చాలా బబ్లీగా.. క్యూట్‌గా కనిపిస్తూ నవ్వులు పూయించింది ఆ సినిమాలో కీర్తి సురేష్. అయితే, దురదృష్టవశాత్తూ ఈ సినిమా ఆశించిన విజయం అందుకోలేదనుకోండి.

అయినా మహానటిగా ఉన్నతమైన హుందా అయిన పాత్రలనే కాదు, కీర్తి సురేష్ ఎలాంటి పాత్రనైనా డీల్ చేయగల సత్తా వున్న నటి. తాజాగా ఆమె ఓ తమిళ చిత్రంలో నటిస్తోంది.
ఆ సినిమాని ప్రముఖ తమిళ నిర్మాణ సంస్థ హోంబలే ప్రొడక్షన్స ప్రతిష్టాత్మకంగా నిర్మిస్తోంది. ‘రఘుతాత’ అనే టైటిల్‌ని ఈ సినిమాకి ఫిక్స్ చేశారు.

ఈ సినిమాకి సంబంధించి లేటెస్ట్‌గా రిలీజ్ చేసిన ప్రోమో సమ్‌థింగ్ డిఫరెంట్‌గా ఆకట్టుకుంటోంది. త్వరలోనే వినోదాల సుడిగాలి మీ దగ్గరల్లోని ధియేటర్లను తాకబోతోంది సిద్ధంగా వుండండి.. అంటూ సోషల్ మీడియా వేదికగా కీర్తి సురేష్ పెట్టిన పోస్ట్ ఈ సినిమాకి సంబంధించి ఆసక్తిని రేకెత్తిస్తోంది. సుమన్ కుమార్ అనే కొత్త దర్శకుడు ఈ సినిమాని తెరకెక్కిస్తున్నాడు.