రియాద్: కమర్షియల్ కన్సీల్‌మెంట్‌ను ఎదుర్కోవడానికి జాతీయ కార్యక్రమం కింద వాణిజ్యపరమైన దాచడం లేదా కప్పిపుచ్చడం (తసత్తూర్) పరిధిలోకి వచ్చే అనేక కేసులను వెల్లడించింది.  తసత్తూర్ కేసులలో సౌదీ పౌరుడు నిర్ణీత నెలవారీ మొత్తానికి బదులుగా సౌదీయేతర వ్యక్తికి వాణిజ్య స్థాపనను అప్పగించడం నేరం. అలాగే విదేశీ పెట్టుబడి లైసెన్స్ లేకుండా ఏదైనా వాణిజ్య కార్యకలాపాలలో భాగస్వామిగా పనిచేస్తున్న సౌదీయేతర వ్యక్తి, సౌదీ పౌరుడి పేరుతో ఉన్న ఏదైనా వాణిజ్య కార్యకలాపాలలో సౌదీయేతర వ్యక్తి పని చేయడం, గృహ కార్మికుడు వంటి సౌదీయేతర వ్యక్తికి ఏదైనా వాణిజ్య కార్యకలాపాలను ప్రాక్టీస్ చేయడానికి అధికారం కల్పించడం చట్టరిత్యా నేరాలు అని వెల్లడించింది. సౌదీ పౌరులకు మాత్రమే వాణిజ్యపరమైన పని చేసే హక్కును మంజూరు చేసిందని గుర్తుచేసింది. విదేశీ పెట్టుబడి లైసెన్సు పొందకుండానే సౌదీయేతర వ్యక్తి ఏదైనా వాణిజ్య కార్యకలాపాన్ని నిర్వహించడం చట్టరిత్యా నేరమని, అలాంటి వాటికి సహకరించిన వారు కూడా నేరం చేసిన వారికిందనే పరిగణించబడతారని స్పష్టం చేసింది.