ముఖ కథానాయకుడు మహేష్‌బాబు సోదరి మంజుల ఇప్పటి వరకు నిర్మాతగా, నటిగా మాత్రమే తెలుసు. త్వరలో ఆమె మెగాఫోన్‌ చేతపట్టి దర్శకత్వం కూడా చేయబోతున్నారు. నాని కథానాయకుడిగా ఓ చిత్రాన్ని తెరకెక్కించేందుకు మంజుల సన్నాహాలు చేస్తున్నట్టు సమాచారం. ఆనంది ఆర్ట్‌ క్రియేషన్స్‌ సంస్థ ఆ చిత్రాన్ని నిర్మించనున్నట్టు తెలుస్తోంది. మహేష్‌ కథానాయకుడిగా నటించిన 'నాని', 'పోకిరి'తో పాటు 'షో', 'కావ్యాస్‌ డైరీ', 'ఏమాయ చేసావె' తదితర చిత్రాల్ని నిర్మించారు మంజుల. 'షో', 'కావ్యాస్‌ డైరీ' లాంటి చిత్రాల్లో నటనతోనూ మంచి గుర్తింపు తెచ్చుకొన్నారు. ఇప్పుడు దర్శకత్వంపై దృష్టి పెట్టారు. ఈ చిత్రానికి సంబంధించిన మరిన్ని వివరాలు త్వరలోనే వెల్లడయ్యే అవకాశాలున్నాయి.