బహ్రెయిన్: విజిట్ వీసాలను వర్క్ వీసాలుగా మార్చడాన్ని నిషేధించే ప్రతిపాదిత చట్టంపై చర్చించేందుకు పార్లమెంట్ సిద్ధమవుతోంది. బహ్రెయిన్ పౌరులకు ఉద్యోగ అవకాశాలను నిర్ధారించడం, నిరుద్యోగిత రేటును తగ్గించడం, జాతీయ శ్రామిక శక్తిని బలోపేతం చేయడం, బహ్రెయిన్ జాతీయుల ఉపాధికి ప్రాధాన్యత ఇవ్వడం అవసరమని ప్రతిపాదనలు చేసిన ఎంపీలు బలంగా వాదిస్తున్నారు. అయితే, పర్యాటక మంత్రిత్వ శాఖ చట్టం ద్వారా వీసాలను నియంత్రించడంపై అభ్యంతరాలను వ్యక్తం చేసింది. వీసా నియంత్రణలో అవసరమైన సౌలభ్యాన్ని చట్టంగా కాకుండా పరిపాలనాపరమైన నిర్ణయాల  ద్వారా తీసుకోవాలని మంత్రిత్వ శాఖ సూచించింది. వివిధ దేశాలు పరిపాలనాపరమైన చర్యల ద్వారా వీసాలను విజయవంతంగా నియంత్రించాయని పేర్కొంది.  వివిధ ఆర్థిక రంగాలను ప్రొత్సహించేందుకు ప్రతిపాదనలపై మరింత అధ్యయనం చేయాలని మంత్రిత్వ శాఖ పిలుపునిచ్చింది. కఠిన నియంత్రణలు పర్యాటక వీసాలు, వర్క్ పర్మిట్‌లతో సహా అన్ని వీసాలు మరియు నివాస అనుమతులపై నియంత్రణలను కఠినతరం చేస్తోందని అంతర్గత వ్యవహారాల మంత్రిత్వ శాఖ భావిస్తోంది. విజిటర్ వీసాలను వర్క్ పర్మిట్‌లుగా మార్చకూడదని స్పాన్సర్‌లు కట్టుబడి ఉండాలని మంత్రిత్వ శాఖ స్పష్టం చేసింది. విజిట్ వీసాల కోసం వచ్చిన అభ్యర్థనలు ఇతర చర్యలతో పాటు వర్క్ వీసాలుగా మార్చబడవని మంత్రిత్వ శాఖ నిర్ధారించింది. ఇదిలా ఉండగా సందర్శకులు తమ వీసాలను పరిమితులు లేకుండా వర్క్ పర్మిట్‌లుగా మార్చుకోవడానికి అనుమతించడం వల్ల బహ్రెయిన్ పౌరులలో నిరుద్యోగిత రేటు పెరుగుతుందని, ఉద్యోగావకాశాల కోసం బహ్రెయిన్‌లకు ప్రాధాన్యతనిచ్చే లక్ష్యంతో జాతీయ శ్రామికశక్తి ప్రణాళికను బలహీనపరుస్తుందని జాతీయ మానవ హక్కుల సంస్థ హెచ్చరించింది.