రోహన్ బోపన్న సరికొత్త చరిత్ర..
- January 27, 2024
మెల్బోర్న్: ఇండియా టెన్నిస్ స్టార్ రోహన్ బోపన్న సరికొత్త చరిత్ర లిఖించాడు. 43 ఏళ్ల లేటు వయసులో డబుల్స్లో ఆస్ట్రేలియన్ ఓపెన్ తొలి గ్రాండ్స్లామ్ టైటిల్ సాధించి రికార్డు సృష్టించాడు. మాథ్యూ ఎబ్డెన్ (ఆస్ట్రేలియా)తో కలిసి ఆస్ట్రేలియన్ ఓపెన్ పురుషుల డబుల్ టైటిల్ సాధించాడు. శనివారం జరిగిన ఫైనల్లో ఇటలీ జోడీ సైమన్ బోలెల్లీ-ఆండ్రియా వవస్సోరిపై బోపన్న-ఎబ్డెన్ జంట వరుస సెట్లతో విజయం సాధించింది. 7-6, 7-5తో ప్రత్యర్థిని మట్టి కరిపించి కెరీర్ లో ఆస్ట్రేలియన్ ఓపెన్ ఫస్ట్ గ్రాండ్స్లామ్ టైటిల్ అందుకున్నాడు రోహన్ బోపన్న.
తుది పోరులో బోలెల్లీ-ఆండ్రియా నుంచి తీవ్ర పోటీ ఎదురైనా వీరోచితంగా పోరాడి టైటిల్ గెలిచాడు. తొలి సెట్ గెలిచిన తర్వాత బోలెల్లీ-ఆండ్రియా జోడీ నుంచి తీవ్ర ప్రతిఘటన ఎదురైంది. రెండు జోడీలు హోరాహోరీగా తలపడ్డాయి. ఒక దశలో 3-4తో బోపన్న-ఎబ్డెన్ జంట వెనుకబడినప్పటికీ పట్టుదలతో పుంజుకుని రెండో సెట్ లోనే 7-5తో ఆటను ముగించారు.
లేటు వయసులో గ్రాండ్స్లామ్ టైటిల్ సాధించి రికార్డు సృష్టించిన రోహన్ బోపన్నకు అభినందనలు వెల్లువెత్తుతున్నాయి. అతడిని అభినందిస్తూ సెలబ్రిటీలు ట్వీట్లు చేస్తున్నారు.
తాజా వార్తలు
- యూఏఈలో పర్యటించనున్న కేంద్ర మంత్రి జైశంకర్
- సీఎం రేవంత్ రెడ్డితో టాటా లాక్హీడ్ మార్టిన్ ఎండీ భేటీ
- కాగజ్నగర్ రైల్వే బ్రిడ్జి నిర్మాణంలో ప్రమాదం
- అమెరికా-ఇరాన్ కాల్పుల విరమణ..స్వాగతించిన భారత్
- పిల్లలను కొట్టొద్దు..పేరెంట్స్ కు దుబాయ్ పోలీసులు సలహా..!!
- 24వేల రవాణా సంస్థలను హెచ్చరించిన TGA..!!
- టూర్ ఆఫ్ ఫ్లాండర్స్ సైక్లిస్టులకు జరిమానాలు..!!
- వదంతులను నమ్మొద్దు..ప్రజలకు క్యాబినెట్ విజ్ఞప్తి..!!
- ఖతార్ లో విద్యాసంస్థల సెలవులు పొడిగింపు..!!
- ప్రాంతీయ పరిణామాలపై కువైట్, ఒమన్ చర్చలు..!!









