దుబాయ్: ఎక్స్‌పో సిటీలోని ధై దుబాయ్ లైట్ ఆర్ట్ ఫెస్టివల్‌లో దుబాయ్ నివాసితులు ఉత్కంఠభరితమైన లైట్ ఆర్ట్ ఇన్‌స్టాలేషన్‌లను ఆస్వాదిస్తున్నారు. మొత్తం ఏడుగురు కళాకారులు, ఈవెంట్ క్యూరేటర్లు కలిసి యూఏఈ సంస్కృతి గురించి సమిష్టిగా చెప్పే కళాఖండాలను ఆవిష్కరించారు. ఈ తరహా మొదటి లైట్ ఆర్ట్ ఫెస్టివల్ శుక్రవారం ప్రారంభం అయింది. ఫిబ్రవరి 4 వరకు ఈ ఫెస్టివల్ జరుగుతుంది. ఇంటరాక్టివ్ సెషన్లు, చర్చలు, వర్క్‌షాప్‌లను కూడా నిర్వహిస్తున్నారు.  లైట్ ఇన్‌స్టాలేషన్‌లతో పాటు ఎక్స్‌పోలో ఉన్న అనేక ఇతర ఇన్‌స్టాగ్రామ్ స్పాట్‌లు సందర్శకులను ఆకట్టుకుంటున్నాయి.  మైతా హమ్దాన్ ఆర్ట్ పీస్ ఆఫ్టర్ లైఫ్ పేరుతో కళాకృతిని రూపొందించారు. ఎమిరాటీ కాలిగ్రాఫర్ మత్తర్ బిన్ లాహెజ్ లైట్ ఆర్ట్ పీస్ ఒక కళాఖండాన్ని సృష్టించాడు.  రోజువారీ ప్రార్థనల లయతో ప్రేరణ పొందిన అబ్దుల్లా అల్ముల్లా తన కళాకృతి మినారెట్ 2.0ను రూపొందించారు.