‘ధమాకా’తో హిట్టు కొట్టి ఫామ్‌లోకి వచ్చిన మాస్ రాజా రవితేజకి ఆ ఫామ్ కంటిన్యూ చేయడం సాధ్యపడలేదు. ‘వాల్తేర్ వీరయ్య’తో కంటిన్యూ చేశాడనుకున్నప్పటికీ.. ఆ తర్వాత మళ్లీ బోల్తా కొట్టేశాడు.
‘రామారావు ఆన్ డ్యూటీ’, ‘టైగర్ నాగేశ్వరరావు’ సినిమాలు మాస్ రాజాని డైలమాలో పడేశాయ్. దాంతో, ‘ఈగల్’ పైనే రవితేజ ఆశలన్నీ పెట్టుకున్నాడు. ఈ నెల 9న సోలోగా రవితేజ ప్రేక్షకుల ముందుకు వస్తున్నాడు.
సంక్రాంతి సినిమాల తర్వాత దాదాపు రెండు మూడు వారాల తర్వాత ధియేటర్లలో సందడి చేయబోయే సినిమా ఇది. ‘హనుమాన్’ మేనియాతో ధియేటర్లు దద్దరిల్లాయ్.
ఆ మేనియా నుంచి కాస్త డిఫరెంట్‌ కాన్సెప్ట్‌తో వస్తున్న సినిమా ‘ఈగల్’. ఇద్దరు ముద్దుగుమ్మలు అనుపమ పరమేశ్వరన్, కావ్య థాపర్ గ్లామర్ ఈ సినిమాకి మరో ప్లస్ పాయింట్ కానుంది.
కార్తిక్ ఘట్టమనేని దర్శకత్వంలో తెరెక్కుతోన్న ఈ సినిమా విజయం రవితేజ కెరీర్‌ని ఎలాంటి మలుపు తిప్పనుందో చూడాలి మరి.