అడవి శేష్, శోభిత ధూళిపాళ్ల జంటగా తెరకెక్కిన చిత్రం ‘గూఢచారి’. సినిమాటోగ్రఫీ పరంగా సినిమా క్వాలిటీ పరంగా మంచి పేరు తెచ్చుకుందీ సినిమా. అడవి శేష్ నటనకు అంతా ఫిదా అయిపోయారు. డైరెక్షన్‌తో పాటూ ఇతరత్రా టెక్నికల్ వర్క్‌లోనూ అడవి శేష్‌కి ప్రావీణ్యం వుండడంతో ఈ సినిమాని చాలా అద్భుతంగా విజువల్ వండర్‌గా తీర్చి దిద్దాడు.

దాంతో, ప్రముఖుల ప్రశంసలు అందుకుందీ చిత్రం. ఇప్పుడీ సినిమాకి సీక్వెల్ రూపొందబోతోంది. వినయ్ కుమార్ ఈ సినిమాకి దర్శకత్వం వహిస్తున్నారు. బనితా సందు హీరోయిన్‌గా నటిస్తోంది. తమిళ, హిందీ సినిమాల్లో నటించిన బనితా సంధు ఈ సినిమాతో తెలుగులోకి ఎంట్రీ ఇస్తోంది.

కాగా, తొలి పార్ట్‌కి సంబంధించి హాలీవుడ్ మేకింగ్ స్టైల్ అనే ప్రశంసలు దక్కించుకున్న అడవి శేష్ అండ్ టీమ్, #G2 (గూఢచారి 2) కోసం మరిన్ని ఎక్స్‌ట్రా టెక్నికల్ వేల్యూస్ తీసుకురాబోతోందట. ప్రస్తుతం సోషల్ మీడియాలో ఇదే ట్రెండింగ్ టాక్ అయ్యింది. చూడాలి మరి, అడవి శేష్ ఏం మ్యాజిక్ చేయబోతున్నాడో ‘గూడచారి 2’తో.