బహ్రెయిన్: బహ్రెయిన్ ఫుడ్ ఫెస్టివల్ 2024 ఎనిమిదవ ఎడిషన్ దియార్ అల్ ముహర్రాక్‌లోని మరాస్సీ అల్ బహ్రెయిన్‌లో ప్రారంభమైంది. ఈ ఉత్సవంలో 100 కంటే ఎక్కువ రెస్టారెంట్లు, కేఫ్‌లు మరియు హాస్పిటాలిటీ కంపెనీలు పాల్గొంటున్నాయి.  GCC దేశాల నుండి వచ్చిన పౌరులు, నివాసితులు మరియు సందర్శకుల అభిరుచులకు అనుగుణంగా విభిన్న రకాల వంటకాలను అందిస్తోంది. బహ్రెయిన్ ఫుడ్ ఫెస్టివల్ పౌరులు, నివాసితులు మరియు GCC వాసులకు ఈ సంవత్సరం గొప్ప, విభిన్నమైన ఆతిథ్య అనుభవాన్ని అందించేందుకు సిద్ధంగా ఉంది.  2022-2026కి బహ్రెయిన్ పర్యాటక వ్యూహానికి అనుగుణంగా ఫుడ్, హాస్పిటాలిటీ రంగం సహకారాన్ని పెంపొందించడానికి పర్యాటక మంత్రిత్వ శాఖ ప్రయత్నాలలో భాగంగా బహ్రెయిన్ టూరిజం అండ్ ఎగ్జిబిషన్స్ అథారిటీ (BTEA) ఈ ఫుడ్ ఫెస్ట్ ని నిర్వహిస్తుంది.