యూఏఈ: ఇండియన్ యువకుడు  24 గంటల తర్వాత దుబాయ్ ఎయిర్‌పోర్ట్‌లో దొరికాడు. ఆదివారం ఆటిజంతో బాధపడుతున్న 18 ఏళ్ల ఫెలిక్స్ జెబీ తప్పిపోయిన సంగతి తెలిసిందే. సోమవారం అర్ధరాత్రి దుబాయ్ విమానాశ్రయం పరిసరాల్లో విజయవంతంగా గుర్తించినట్లు దుబాయ్ పోలీసులు తెలిపారు.  "దేవుని దయతో, అతను మాతో ఉన్నాడు" అని అతని తండ్రి జెబీ థామస్ తెలియజేశాడు. కష్టకాలంలో సహకరించిన ప్రతి ఒక్కరికీ కృతజ్ఞతలు తెలిపారు. అయితే, అతను సిటీ సెంటర్ షార్జా నుండి 18 కిలోమీటర్ల దూరంలో ఉన్న దుబాయ్ ఎయిర్‌పోర్ట్ టెర్మినల్ 1కి ఎలా చేరుకున్నాడు అనే విషయంలో స్పష్టత రావాల్సి ఉంది.  విమానాశ్రయంలో ఫెలిక్స్‌ను గుర్తించిన కువైట్‌కు వెళ్లే భారతీయ ప్రయాణికుడు పోలీసులకు సమాచారం అందించాడని పోలీసులు తెలిపారు.