‘పుష్ప’ సినిమాని కోవిడ్ టైమ్‌లో తెరకెక్కించారు. ఓ మోస్తరు అంచనాలతో తెరకెక్కిన  ఈ సినిమా అనూహ్యంగా సంచలనాలు క్రియేట్ చేసిన సంగతి తెలిసిందే.
ఆ సెన్సేషన్‌తో పుష్ప 2 పై అంచనాలు విపరీతంగా పెరిగిపోయాయ్. దాంతో, సినిమా తెరకెక్కించడంపైనా జాగ్రత్తలు పెరిగిపోయాయ్. ఆచి తూచి.. అత్యధికంగా టైమ్ తీసుకుని (దాదాపు ఐదేళ్లు పడుతుంది సినిమా రిలీజ్ అయ్యేసరికి) ‘పుష్ప 2’ని తెరకెక్కిస్తున్నారు.
ఇక, తాజాగా ఓ ఫిలిం పెస్టివల్‌కి అతిధిగా హాజరైన అల్లు అర్జున్.. ‘పుష్ప 3’ గురించి సంచలన వ్యాఖ్యలు చేశాడు. అవునండీ మీరు విన్నది నిజమే.. ‘పుష్ప 2’నే కాదు, మూడో పార్ట్ కూడా వుందట. మూడే కాదు.. అలా వస్తూనే వుంటాయట. ఫ్రాంచైజీల్లా ‘పుష్ప’ని సిద్ధం చేయాలనుకుంటున్నారట.
అందుకోసం బోలెడన్ని స్టోరీ లైన్లు కూడా సెట్ చేసుకున్నారట సుక్కు అండ్ టీమ్. అదే బన్నీ మాటల్లోనే వెల్లడయ్యింది. మొత్తానికి ‘పుష్ప’ ప్రపంచ వ్యాప్తంగా క్రియేట్ చేసిన సెన్సేషన్ అంతా ఇంతా కాదు. ఇక, రాబోయే కాలంలో ‘పుష్ప’ ఫ్రాంచైజీలంటే.. అల్లు అర్జున్ ఫ్యాన్స్‌కి ఫుల్ ఖుషీనే.
ఇక, మొదటి పార్ట్‌లో నటించిన కీలక పాత్రధారులంతా.. రెండో పార్టులోనూ కనిపించబోతున్నారు. అంతకు మించి అనేలా రెండో పార్ట్ ‘పుష్ప’ వుండబోతోంది. ఆగస్ట్ 15న సినిమా రిలీజ్‌కి సన్నాహాలు చేస్తున్నారు.