అందాల భామ రకుల్ ప్రీత్ సింగ్ పెళ్లయిపోయింది. గత మూడేళ్లుగా బాలీవుడ్ నిర్మాత అయిన జాకీ భగ్నానీతో పీకల్లోతు ప్రేమలో వుంది రకుల్ ప్రీత్ సింగ్.

ఎట్టకేలకు కోరుకున్న ప్రియుడ్ని పెళ్లి చేసుకుంది. ఈ నెల 21న రకుల్ వివాహం గోవాలో ఘనంగా జరిగింది. ఈ వివాహ కార్యక్రమానికి పలువురు సెలబ్రిటీలు హాజరయ్యారు.

కాగా, రకుల్ ప్రీత్ సింగ్ తెలుగులో ఒకప్పుడు స్టార్ హీరోయిన్‌గా వెలుగొందింది. రామ్ చరణ్, ఎన్టీయార్.. ఇలా స్టార్ హీరోలందరి సరసన నటించింది. అలాగే యంగ్ హీరోలతోనూ జత కట్టింది.

ఆ తర్వాత బాలీవుడ్‌పై ఫోకస్ పెట్టింది. టాలీవుడ్‌ని పక్కన పెట్టింది. గత మూడేళ్లుగా బాలీవుడ్‌లోనే వరుస ఆఫర్లు దక్కించుకుంటూ బిజీగా గడుపుతోంది. ఈ నేపథ్యంలోనే బాలీవుడ్ ప్రముఖ నిర్మాత జాకీ భగ్నానీతో లవ్‌లో పడింది.

తాజాగా ప్రేమ ఫలించి, పెళ్లి పీటలెక్కింది. అయితే, పెళ్లి తర్వాత రకుల్ సినిమాల్లో నటిస్తుందా.? లేదా.? అనేది చూడాలి మరి.