శంకర్ సినిమాలంటేనే చాలా కష్టాలు ఎదుర్కోవల్సి వస్తుంది. బడ్జెట్ భారీతనం.. సినిమా లార్జ్ స్కేల్ ఓ ఎత్తు.. అయితే, రిలీజ్ కష్టాలు కూడా అంతే ఎత్తుంటాయ్ శంకర్ సినిమాలకి.

ఇక, ఎప్పుడో పూర్తవ్వాల్సిన ఈ సినిమా రకరకాల ఆటంకాలు ఎదుర్కొని ఎట్టకేలకు షూటింగ్ జరుపుకుంటోంది. రామ్ చరణ్ సినిమా పక్కన పెట్టేసి మరీ, ఈ సినిమాని తిరిగా పట్టాలెక్కించి పూర్తి చేస్తున్నాడు దర్శకుడు శంకర్.

అయితే, ఈ సినిమాని ఎప్పుడు రిలీజ్ చేయాలా.? అనే అంశంపై చిత్ర యూనిట్ మల్లగుల్లాలు పడుతోంది. నిజానికి సెప్టెంబర్ నుంచి పెద్ద సినిమాలు రిలీజ్ కోసం క్యూ కడుతున్నాయ్.

ఏప్రిల్ వరకూ ఎలాగైనా  సినిమాని పూర్తి చేయాలన్న కసితో వున్నాడట శంకర్.  అలాగే మరోవైపు ప్రి రిలీజ్ బిజినెస్ మీదా ఫోకస్ పెట్టాడని తెలుస్తోంది.

ఆల్రెడీ ‘భారతీయుడు 2’ బిజినెస్ స్టార్ట్ అయ్యిందట. లైకా ప్రొడక్షన్స్ భారీ బడ్జెట్‌తో రూపొందించిన ఈ సినిమా తెలుగు రైట్స్‌ని ఈ సారి సురేష్ ప్రొడక్షన్ష.. ఏకే ఎంటర్‌టైన్‌మెంట్స్ సంయుక్తంగా కొనుగోలు చేశారనీ తెలుస్తోంది.

మామూలుగా అయితే, నైజాం రైట్స్‌ని దిల్ రాజు పట్టుకుంటారు. కానీ, ఈ సారి ఎందుకో రాజుగారు వెనక్కి తగ్గారు. ఈ మతలబు వెనక కారణాలేంటో తెలియాల్సి వుంది.