యూఏఈ: వచ్చే వారంలో తక్కువ ఉష్ణోగ్రతలు, భారీ వర్షాలు కురుస్తాయని జాతీయ వాతావరణ కేంద్రం (NCM) వెల్ల‌డించింది.  శనివారం తెల్లవారుజామున దట్టమైన పొగమంచు కమ్ముకుంది. దట్టమైన పొగమంచు కారణంగా నివాసితులను హెచ్చరిస్తూ NCM దేశవ్యాప్తంగా రెడ్ అలర్ట్ జారీ చేసింది.  దట్టమైన పొగమంచు కారణంగా షేక్ జాయెద్ రోడ్ పై విజిబిలిటీ తగ్గింది. మెసేజ్ బోర్డులలో వాహనదారులను వేగాన్ని తగ్గించండి మరియు ఫాగ్ లైట్లను ఉపయోగించమని అలెర్ట్ జారీ చేశారు. దుబాయ్ మెరీనా మరియు జుమేరా లేక్స్ టవర్‌లు కూడా పొగమంచులో మునిగిపోయాయి.  అబుదాబి పోలీసులు కూడా అలెర్ట్ జారీ చేశారు. పలు రహదారులపై వేగ పరిమితిని తగ్గించారు. మ‌రోవైపు పగలు కొన్ని సమయాల్లో పాక్షికంగా మేఘావృతమై ఉంటుందని, కొన్ని తీరప్రాంత మరియు ఉత్తర ప్రాంతాలలో రాత్రికి మేఘావృతమై ఉంటుందని జాతీయ వాతావరణ కేంద్రం తెలిపింది. తేలికపాటి నుండి మోస్తరు గాలులు వీస్తాయి. ఆదివారం ఉదయం తేలికపాటి వర్షం కురిసే అవకాశం ఉంది.