‘సత్యం’ సినిమాతో పాపులర్ అయిన దర్శకుడు సూర్య కిరణ్ ఇక లేరు. అనారోగ్యం కారణంగా చెన్నై ఆసుపత్రిలో మృతి చెందినట్లు అధికారికంగా ప్రకటించారు.
సూర్య కిరణ్ కేవలం డైరెక్టర్ మాత్రమే కాదు, మల్టీ టాలెంటెడ్. నటుడు, డాన్సర్, సింగర్.. ఇలా అనేక రకాల కళల్లో ఆరి తేరినవాడు. మంచి మనిషి. బుల్లితెర గేమ్ షో బిగ్‌బాస్‌లోనూ పార్టిసిపేట్ చేశాడు.
హీరోయిన్ కళ్యాణిని ప్రేమించి పెళ్లి చేసుకున్నాడు. అభిప్రాయ బేధాల కారణంగా వీరిద్దరూ డైవోర్స్ తిసుకున్నారు. కళ్యాణి తనను వదిలి వెళ్లిన తర్వాత మెంటల్‌గా చాలా డిస్ట్రబ్ అయ్యాడు సూర్య కిరణ్.
ఎప్పటికైనా కళ్యాణి తనను అర్ధం చేసుకుని తిరిగొస్తుందని ఆశించేవాడు. అదే విషయాన్ని పదే పదే ఏ సందర్భంలోనైనా చెప్పి బాధపడుతుండేవాడు సూర్య కిరణ్.
కళ్యాణి వదిలి వెళ్లిన తర్వాతే కెరీర్‌లోనూ వెనకబడిపోయాడు సూర్య కిరణ్. ఆ తర్వాతే తీవ్ర అనారోగ్యం పాలయ్యాడు. చిట్టచివరికి అదే అనారోగ్యంతో ఇలా మరణించారు. ఆయన మరణం ఇండస్ర్టీని కలచి వేస్తోంది. ఆయన ఆత్మకు శాంతి చూకూరాలని ఆశిద్దాం.