యంగ్‌స్టర్ కిరణ్ అబ్బవరం నటించిన తొలి సినిమా ‘రాజా వారు రాణివారు’. ఈ సినిమాతో పరిచయమైన ఈ కుర్రోడు సమ్‌థింగ్ ఇంట్రెస్ట్ క్రియేట్ చేశాడు. సినిమా కూడా చిన్న సినిమా అయినా మంచి హిట్ అందుకుంది.
ఓ ఫీల్ గుడ్ సినిమా అనే ఫీల్ ఇచ్చింది. ఆ తర్వాత ఈ కుర్రోడు వరుస పెట్టి అవకాశాలు దక్కించుకోవడం.. చాలా తక్కువ టైమ్‌లోనే యూత్ స్టార్‌గా సెన్సేషనల్ అయిపోవడం జరిగిపోయింది.
సక్సెస్, ఫెయిల్యూర్‌తో సంబంధం లేకుండా వరుస పెట్టి సినిమాలు చేసుకుంటూ పోతున్నాడు కిరణ్ అబ్బవరం. ఆ సంగతి అటుంచితే.. తాజాగా మనోడు పెళ్లి కబురు చల్లగా చెప్పేశాడు.
ఇంతకీ పెళ్టి కూతురు ఎవరో అంటారా.? తన తొలి సినిమా హీరోయిన్ రహస్య గోరఖ్. ‘రాజా వారు రాణి వారు’ సినిమా టైమ్ నుంచే కిరణ్ అబ్బవరం, రహస్య ప్రేమలో వున్నారట. ఆ ప్రేమ ముదిరి ముదిరి ఇప్పుడు పెళ్లి పీటల వరకూ చేరింది. త్వరలోనే ఈ జంట పెళ్లి చేసుకోబోతున్నారు.
తాజాగా ఈ విషయాన్ని తన సోషల్ మీడియా హ్యండిల్ ద్వారా వెల్లడించాడు కిరణ్ అబ్బవరం. దాంతో, అభిమానులు, సినీజనం, నెటిజనం.. ఈ జంటకు బెస్ట్ విషెస్ తెలుపుతూ పోస్టులు పెడుతున్నారు.