యూఏఈ: యూఏఈలోని ప్రాపర్టీ ప్రాజెక్ట్‌లు హాట్ కేకుల్లా అమ్ముడవుతూనే ఉన్నాయి. గత మూడు సంవత్సరాలలో బలమైన ర్యాలీ తర్వాత రియల్ ఎస్టేట్ మార్కెట్ ఈ సంవత్సరం సైతం వృద్ధి చెందుతుందని మార్కెట్ నిపుణులు చెబుతున్నారు. ప్రపంచంలోని ఇతర ప్రధాన నగరాలతో పోలిస్తే తక్కువ ధర కారణంగ డిమాండ్ పెరుగుతుందని, విదేశీ పెట్టుబడిదారులు మరియు నివాసితులు డిమాండ్‌ను పెంచుతున్నారని ప్రముఖ ప్రాపర్టీ డెవలప్‌మెంట్ మరియు మేనేజ్‌మెంట్ కంపెనీ వాస్ల్ తెలిపారు. మొత్తం 600 యూనిట్ల పార్క్ వ్యూస్ రెసిడెన్సెస్ టవర్ Aని ప్రారంభించిన 36 గంటల్లోనే సేల్ అయిందని పేర్కొన్నారు. 42-అంతస్తుల పార్క్ వ్యూస్ రెసిడెన్సెస్ టవర్ A అనేది అల్ కిఫాఫ్‌లోని జబీల్ పార్క్‌కి ఎదురుగా ఉన్న వాస్ల్1 మాస్టర్ డెవలప్‌మెంట్‌లో ఒక భాగంగా ఉంది. అబుదాబికి చెందిన అల్దార్ ప్రాపర్టీస్ మాట్లాడుతూ.. హెవెన్ యొక్క మొదటి రెండు దశలను అల్దార్ తక్కువ సమయంలో విక్రయించామని, విదేశీ పెట్టుబడిదారులు మరియు ప్రవాస నివాసితులు కొనుగోలు చేసిన యూనిట్లలో మూడు వంతులు ఉన్నారని చెప్పారు. మొత్తంగా Dh3.1 బిలియన్ల అమ్మకాలు జరిగాయన్నారు.