దోహా: లైసెన్సుల కోసం ఎదురుచూస్తున్న నలుగురు ప్రాక్టీషనర్‌లను నియమించుకున్నందుకు హెల్త్‌కేర్ ఫెసిలిటీపై ప్రజారోగ్య మంత్రిత్వ శాఖ చ‌ర్య‌లు తీసుకుంది. నిబంధ‌న‌లు ఉల్లంఘించిన ఆరోగ్య సదుపాయాన్ని తాత్కాలికంగా మూసివేస్తున్నట్లు ప్రకటించింది. హెల్త్‌కేర్ ఫెసిలిటీలు తప్పనిసరిగా ఆరోగ్య చట్టాలకు కట్టుబడి ఉండాలని,  వారి అవసరమైన వృత్తిపరమైన లైసెన్స్‌లను పూర్తి చేయడానికి ముందు ఆరోగ్య సంరక్షణ అభ్యాసకులను నియమించుకోవద్దని మంత్రిత్వ శాఖ స్ప‌ష్టం చేసింది. హెల్త్‌కేర్ ప్రాక్టీషనర్లు స్పెషలైజేషన్ రంగాలకు సంబంధించిన నియంత్రణ చట్టాలకు కట్టుబడి ఉండాల‌ని సూచించింది. ఆరోగ్య అభ్యాసకులకు మంజూరు చేయబడిన వృత్తిపరమైన లైసెన్స్‌ల రకాలను https://dhp.moph.gov.qa/en/Pages/SearchPractitionersPage.aspxద్వారా ప్రజలు తనిఖీ చేసుకోవచ్చని సూచించింది.  సాధారణ ప్రజలు కూడా [email protected]కి ఇ-మెయిల్ పంపడం ద్వారా ఆరోగ్య ప్రాక్టిష‌న‌ర్ల‌కు సంబంధించిన ఏవైనా చట్టవిరుద్ధమైన పద్ధతులను ప్రజారోగ్య మంత్రిత్వ శాఖకు నివేదించవచ్చ‌ని తెలిపింది.