యూఏఈ: షార్జాలో తప్పిపోయిన ఫ్రెంచ్ యువతి ఆమె ఇంటికి కొద్ది దూరంలో ఉన్న ఎడారిలో గుర్తించినట్లు ఆమె తండ్రి డేవిడ్ క్రొయిజర్ తెలిపారు. ఆ యువతి కోసం షార్జా పోలీసులు, కమ్యూనిటీ సభ్యులు తీవ్ర ప్రయత్నాల అనంతరం యువతి జాడ దొరికిందని అధికారులు తెలిపారు.  "మెలైన్‌కు ఆరోగ్యం బాగాలేదు. షార్జాలోని అల్ దైద్ ఆసుపత్రికి తరలించారు. అక్కడ ఆమె కోలుకుంటుంది" అని డేవిడ్ చెప్పారు.  మెలైన్ క్షేమంగా తిరిగి రావడం పట్ల కుటుంబం హర్షం వ్యక్తం చేసింది.  ఈసందర్భంగా తమకు సహాయంగా నిలిచిన ప్రతి ఒక్కరికీ ధన్యవాదాలు తెలిపారు. షార్జా గ్రాండ్ మసీదు సమీపంలో ఉన్న అల్ రికైబాలోని అల్ సుయోహ్ సబర్బ్‌లోని తన ఇంటి నుండి మార్చి 25న తెల్లవారుజామున ఆమె అదృశ్యమైంది.