తెలుగమ్మాయ్ అనన్య నాగళ్ల గురించి ప్రత్యేకమైన పరిచయం అక్కర్లేదు. మంచి నటి. అవకాశాలు దక్కడం లేదు కానీ, సరైన అవకాశం దక్కితే, ప్రూవ్ చేసుకోగలిగే కెపాసిటీ వున్న ముద్దుగుమ్మ.

అయితే ఈ మధ్య ఏం జరిగిందో ఏమో కానీ, అనన్య నాగళ్ల చేస్తున్న సినిమాలు హిట్టూ, ఫట్టూ.. సంగతి పక్కన పెడితే, ఆమె యాక్టింగ్‌కే ఎసరు పెట్టేస్తున్నాయ్.

ముద్దుగా అందంగా కనిపించే అనన్య నాగళ్ల మొన్నా మధ్య ఏదో సర్జరీ చేయించుకుంది. ఆ కారణంగా ముఖ కవళికల్లో కాస్త డిఫరెన్స్ కనిపిస్తోంది. ఆమె ముఖంలో మునుపటి క్యూట్‌నెస్ పోయిందన్న అభిప్రాయాలు వినిపిస్తున్నాయ్.

క్యూట్‌నెస్‌తో పాటూ, పర్‌ఫామెన్స్ కూడా చెడిందంటూ ట్రోల్స్ వినిపిస్తున్నాయ్. ఎంతో చక్కటి అభినయంతో ఆకట్టుకునే అనన్య నాగళ్ల.. విచిత్రమైన హావభావాలతో చికాకు పుట్టిస్తోంది. యాక్టింగ్ మర్చిపోయిందా.? ఏంటీ.? అంటూ కొందరు నెటిజన్లు అనన్యను ఆడి పోసుకుంటున్నారు.

ఇటీవల ‘తంత్ర’ అనే హారర్ మూవీతో ప్రేక్షకుల ముందుకొచ్చింది. ఆ సినిమాలోనే అనన్యను భరించలేకపోయామంటే, తాజాగా ‘పొట్టేల్’ అనే సినిమాతో రాబోతోంది. ఈ సినిమాలోనూ అనన్యది అదే తీరు.! ఇలా అయితే ఎలాగమ్మా.! అవకాశాలు వస్తున్నాయ్‌గా.. అభినయం ఇంకాస్త బెటర్ చేసుకోవాలంటూ సూచనలూ సలహాలూ ఇస్తున్నారు అనన్య అభిమానులు.