నిధి అగర్వాల్.. బ్యాక్ టు బ్యాక్ అక్కినేని హీరోలతో రెండు సినిమాలు చేసి టాలీవుడ్ ప్రేక్షకులకు పరిచయమైన ముద్దుగుమ్మ. పాపం.! అన్నీ వున్నా అదేదో అన్నట్లు.. అందం, అభినయం, డాన్సింగ్ టాలెంట్.. ఇలా అన్ని కళలున్నప్పటికీ అసలు కళ అదృష్టమే వరించడం లేదీ ముద్దుగుమ్మకి.

‘ఇస్మార్ట్ శంకర్’ రూపంలో ఓ సూపర్ హిట్ కూడా ఖాతాలో వేసుకుంది. అయినా నిలబడలేదు. పవన్ కళ్యాణ్ రూపంలో (హరి హర వీరమల్లు) ఓ బిగ్గెస్ట్ ఆఫర్ కూడా చేజిక్కించుకుంది. అయినా లాభం లేకుండా పోయింది.

ఆ సినిమా అడ్రస్సే గల్లంతైపోయింది. ఇక, ఇప్పుడు ప్రబాస్ సినిమాలో ఛాన్స్ అంటూ ప్రచారం జరుగుతోంది. ఇదైనా అమ్మడికి యూజ్ అవుతుందా.? లేదా.? అసలింతకీ ఈ ప్రచారంలో నిజముందా.? అనేది తెలియాలంటే ఇంకాస్త టైమ్ వెయిట్ చేయాలి.

ప్రబాస్ హీరోగా మారుతి దర్శకత్వంలో తెరకెక్కుతోన్న ‘రాజా సాబ్’ సినిమాలో నిధి అగర్వాల్ పేరు వినిపిస్తోంది. ఈ సినిమాలో ఆల్రెడీ మాళవికా మోహనన్ హీరోయిన్‌గా నటిస్తోంది. మరో ఇద్దరు ముద్దుగుమ్మలకు ఛాన్సుండగా.. అందులో నిధి అగర్వాల్ పేరు తాజాగా వినిపిస్తోంది.