కమెడియన్ ప్రియదర్శి హీరోగా ఓ సినిమా తెరకెక్కుతోన్న సంగతి తెలిసిందే. ఇప్పటికే ‘మల్లేశం’ తదితర సినిమాలు సోలో హీరోగా చేసి సక్సెస్ అయ్యాడు ప్రియదర్శి.

హీరోగా తెరంగేట్రం చేసినప్పటికీ తనకి ఫేమ్ తీసుకొచ్చిన కమెడియన్ పాత్రలను మాత్రం వదులుకోవడం లేదీ యంగ్‌స్టర్. అదీ ఓ రకంగా మంచిదే అని చెప్పాలి.

గతంలో చాలా మంది కమెడియన్లు ఇలాగే హీరోలుగా మారి, కామెడీని వదిలిపెట్టేశారు. ఆ తర్వాత అటుకీ, ఇటుకీ కాకుండా కెరీర్‌లో వెనకబడిపోయారు. కానీ, ప్రియదర్శి మాత్రం అలా చేయకుండా వచ్చిన ప్రతీ అవకాశాన్నీ వినియోగించుకుంటున్నాడు.

అలాగే సోలోగానూ సినిమాలు చేసుకుంటూ పోతున్నాడు. హీరోగా ప్రియదర్శి చేస్తున్న సినిమాకి ‘డార్లింగ్’ అనే టైటిల్ పెట్టినట్లు తెలుస్తోంది.

ఈ సినిమాలో నభా నటేష్ హీరోయిన్‌గా నటిస్తోంది. ఇదో కొత్త రకం ప్రేమకథ అని తెలుస్తోంది. ఇంతవరకూ చాలా లవ్ స్టోరీస్ చూశాం. కానీ, ఈ సినిమాలోని లవ్ స్టోరీ న భూతో న భవిష్యతి అనేలా వుంటుందని అంటున్నారు.

ఓ డిఫరెంట్ ఎక్స్‌పీరియన్స్ ఫీలవుతారని చెబుతున్నారు. అంతేకాదు, ఈ సినిమా ప్రమోషన్లు కూడా చాలా చాలా ఇన్నోవేటివ్‌గా ప్లాన్ చేస్తున్నారట.