కావలిసినవి
కీమా - పావుకిలో
టొమాటోలు - రెండు
ఉల్లిపాయలు - రెండు
పచ్చిమిర్చి - రెండు
బంగాళాదుంపలు - మూడు
కొత్తిమీర - ఒక కట్ట
గరం మసాలా - ఒక చెంచా
అల్లం, వెల్లుల్లి పేస్ట్‌ - ఒక చెంచా
దనియాల పొడి - ఒక చెంచా
జీడిపప్పు పొడి - ఒక చెంచా
నూనె - తగినంత
ఉప్పు - తగినంత
పసుపు - చిటికెడు
కారం - రెండు చెంచాలు
తయారీ
ఒక బాణలిలో నూనె వేసి, దానిలో ఉల్లిపాయ ముక్కలు, పచ్చిమిర్చి ముక్కలు వేసి వేయించి, దానిలో దనియాల పొడి, అల్లం, వెల్లుల్లి పేస్ట్‌ వేసి కలిపి ఇప్పుడు కీమా వేసి ఒక పావుగంట సేపు మూత పెట్టి ఉడికించాలి. తరువాత దానిలో కొద్దిగా గరంమసాలా, జీడిపప్పు పొడి వేసి, ఉప్పు, కారం, వేసి కలపి, టొమాటో ముక్కలు, బంగాళా దుంప ముక్కలు వేసి ఉడికించి, చివరిగా కొత్తిమీరతో గార్నిష్‌ చేస్తే హైద్రాబాదీ ఖీమా రెడీ. రంజాన్‌ స్పెషల్‌గా మీ ఇంటికి వచ్చే అతిథులను హైద్రాబాదీ ఖీమాతో సర్‌ప్రైజ్‌ చేసెయ్యండి.