యూఏఈ:  ఇస్లామిక్ పండుగ ఈద్ అల్ అధాకు ఐదు రోజుల పాటు సెలవులు రానున్నాయి. నివాసితులు Dh980 నుండి ఇటలీకి, Dh1,135 నుండి ఫ్రాన్స్, స్పెయిన్ Dh1,308 నుండి టూర్ ఫ్యాకేజీలు అందుబాటులో ఉన్నాయని ట్రావెల్ ప్లాట్‌ఫారమ్ స్కైస్కానర్‌ తెలిపింది. మార్కెట్ నిపుణుడి ప్రకారం, విరామం సమయంలో ప్రయాణానికి సంబంధించిన విచారణలు 20 శాతం వరకు పెరిగాయి. యూరప్, అమెరికా మరియు ఇతర సుదూర విమాన గమ్యస్థానాలకు వెళ్లడానికి ముందస్తు ప్రణాళికతో వేసవి సెలవుల ప్రారంభంతో కుటుంబాలు పబ్లిక్ హాలిడేని కలుపుకుని సుదీర్ఘ విరామం కోసం చూస్తున్నాయని ఆన్‌లైన్ ట్రావెల్ ఏజెన్సీ ముసాఫిర్‌లో COO రహీష్ బాబు చెప్పారు.   ఖగోళ శాస్త్ర లెక్కల ప్రకారం, సెలవుదినం జూన్ 16( ఆదివారం) నుండి జూన్ 19 (బుధవారం)వరకు ఉంటుంది. ఈ తేదీలు చంద్రుని వీక్షణకు లోబడి ఉంటాయని తెలిపింది.