యూఏఈః నేషనల్ సెంటర్ ఆఫ్ మెటీరియాలజీ ప్రకారం.. బుధవారం ఒమన్ సముద్రంలో స్వల్ప భూకంపాలు సంభవించాయి. యూఏఈ నివాసితులు 'స్వల్ప' ప్రకంపనలు అనుభవించిన‌ట్టు తెలుస్తోంది. రస్ అల్ ఖైమా తీరానికి సమీపంలో అర్ధరాత్రి 12.12 గంటలకు 3.1 తీవ్రతతో భూకంపం, 1.53 గంటలకు 2.8 తీవ్రతతో మరోసారి భూకంపం సంభవించింది. రెండు భూకంపాలు 10 కిలోమీటర్ల లోతులో సంభవించాయి. అయితే, యూఏఈలో ఎటువంటి ప్రభావం చూపలేదని నిపుణులు చెప్పారు.  ఈ నెల ప్రారంభంలో మే 17న యూఏఈలో 1.9 తీవ్రతతో భూకంపం సంభవించింది.  దీనికి ముందు, ఏప్రిల్‌లో ఖోర్ ఫక్కన్‌లో నివాసితులు ప్రకంపనలు అనుభవించారు. జనవరిలో ఫుజైరా మరియు రస్ అల్ ఖైమా సరిహద్దులోని మసాఫీలో కూడా 2.8 తీవ్రతతో భూకంపం నమోదైంది.