సౌదీ అరేబియా, 95000 పైగా మసీదుల వద్ద సర్వైలెన్స్‌ కెమెరాలను ఏర్పాటు చేయాలని యోచిస్తున్నట్లు సీనియర్‌ అధికారి ఒకరు చెప్పారు. ఈ మేరకు పలు కంపెనీలతో సంప్రదింపులు జరుపుతున్నామని, దీనికి సంబంధించి త్వరలో పూర్తి స్పష్టత రానుందని ఇస్లామిక్‌ ఎఫైర్స్‌ డిప్యూటీ మినిస్టర్‌ తౌఫీక్‌ అల్‌ సుదైరి వివరించారు. ప్రముఖమైన మసీదుల నుంచి మొదలు పెట్టి, ఈ ప్రాజెక్ట్‌ని విజయవంతం చేస్తామని, సెక్యూరిటీ ఏజెన్సీస్‌కీ తమకూ మధ్య పూర్తిస్థాయి సంయమనం ఉందని ఆయన వెల్లడించారు. గత ఏడాది సూసైడ్‌ బాంబర్స్‌, మసీదులపై దాడికి దిగి పలువుర్ని హతమార్చారు. పలువురు ఈ ఘటనల్లో తీవ్రంగా గాయపడ్డారు. ఇలాంటి పరిస్థితుల్లో మసీదుల వద్ద పూర్తిస్థాయి భద్రత కోసం సర్వైలెన్స్‌ కెమెరాల ఏర్పాటు చేయాలని భావించామని ఆయన అన్నారు.