మక్కా: జూన్ 11కి అనుగుణంగా ధుల్ హిజ్జా 5 నుండి పవిత్ర స్థలాలలోకి అనధికార వాహనాలను నిరోధించడాన్ని ప్రారంభిస్తున్నట్లు జనరల్ ట్రాఫిక్ డిపార్ట్‌మెంట్ ప్రకటించింది. నిషేధం ధుల్ హిజ్జా 13 వరకు అమలులో ఉంటుందని ప్రకటించింది.  హజ్ పర్మిట్ లేకుండా యాత్రికులను రవాణా చేస్తూ పట్టుబడిన వారికి ఆరు నెలల వరకు జైలు శిక్ష, SR50000 జరిమానాలు విధించబడతాయని ట్రాఫిక్ వ్యవహారాల హజ్ సెక్యూరిటీ ఫోర్సెస్ కమాండ్ హెచ్చరించింది. అదే సమయంలో కోర్టు తీర్పు ద్వారా రవాణా కోసం ఉపయోగించే వాహనాన్ని జప్తు చేయడం కూడా జరుగుతుందని హెచ్చరించింది. నివాసితులు పట్టుబడితే జైలు శిక్ష మరియు జరిమానా చెల్లించిన తర్వాత అతనిపై బహిష్కరణ వేటు వేయనున్నారు.  హజ్ పర్మిట్ లేకుండా మక్కాలోకి ప్రవేశించే వారిపై SR10,000 జరిమానా విధిస్తామని ట్రాఫిక్ డిపార్ట్‌మెంట్ ప్రకటించింది. పవిత్రమైన మక్కా నగరం, సెంట్రల్ హరామ్ ప్రాంతం, పవిత్ర స్థలాలైన మినా, అరాఫత్ మరియు ముజ్దలిఫా, రుసైఫాలోని హరమైన్ రైలు స్టేషన్, భద్రతా నియంత్రణ కేంద్రాలు, హజ్ గ్రూపింగ్ కేంద్రాలు మరియు హజ్ అనుమతి లేకుండా ఎవరైనా పట్టుబడిన వారికి జరిమానాలు విధించబడతాయి.