మస్కట్: సుల్తానేట్ ఆఫ్ ఒమన్‌లోని 3-5-నక్షత్రాల హోటళ్ల ఆదాయం 2024 ఏప్రిల్ చివరి నాటికి OMR93.094 మిలియన్లకు చేరుకుంది. ఇది 2023లో ఇదే కాలంతో పోలిస్తే 10.7% పెరిగింది. నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ (NCSI) జారీ చేసిన గణాంకాల ప్రకారం.. ఏప్రిల్ 2024 చివరి నాటికి హోటల్ అతిథుల సంఖ్య 14.9% పెరిగి 767,900కి చేరుకుంది. 2023లో ఇదే కాలంలో వచ్చిన అతిథుల సంఖ్య 668,168 మందిగా నమోదైంది. అదే సమయంలో, హోటల్ ఆక్యుపెన్సీ రేటు 7% వృద్ధిని నమోదు చేసింది. NCSI గణాంకాల ప్రకారం.. జాతీయత పరంగా యూరోపియన్లు హోటళ్లలో అతిథుల సంఖ్యలో అగ్రస్థానంలో ఉన్నారు. వారి సంఖ్య 262,651కి చేరుకుంది. 241,058 మంది ఒమానీ అతిథులు (9.6% పెరుగుదల), మరియు 109,104 మంది ఆసియా అతిథులు (22.5% పెరిగారు) ఉన్నారు. GCC దేశాల నుండి వచ్చిన అతిథుల సంఖ్య 7.8% పెరిగి 47,809కి చేరుకుంది. అయితే ఆఫ్రికన్ అతిథుల సంఖ్య 0.8% తగ్గి 3,826కి చేరుకుంది. ఓషియానియన్ దేశాల నుండి వచ్చిన అతిథుల సంఖ్య 27.9% తగ్గి 11,488కి చేరుకుంది.