తమిళ చిత్రాలకు శీర్షికలు ఇదే భాషలో ఉండాలనే ఉద్దేశంతో అలాంటి సినిమాలకు పన్ను మినహాయింపు ఇచ్చింది రాష్ట్ర ప్రభుత్వం. కొన్ని సంవత్సరాలుగా చిత్రాల పేర్లన్నీ దాదాపుగా మాతృభాషలోనే కనిపిస్తున్నాయి. ఈ నేపథ్యంలో కొందరి హీరోల సినిమాలు మాత్రం ఇందుకు మినహాయింపు. సిద్ధార్థ్‌ హీరోగా నటించిన చిత్రం 'జిల్‌ జంగ్‌ జక్‌'గానే విడుదలైంది. తాజాగా ఆయన నటిస్తున్న మరో చిత్రానికి 'సైతాన్‌కీ బచ్చా' అనే శీర్షికను ఖరారు చేశారు. 'కప్పల్‌' దర్శకుడు కార్తిక్‌ జి.క్రిష్‌ దీన్ని రూపొందించనున్నారు. సంతోష్‌ నారాయణన్‌ సంగీతం సమకూర్చనున్నారు.
ఇది సిద్ధార్థ్‌, సంతోష్‌ నారాయణన్‌ కాంబినేషన్లో వస్తున్న మూడో చిత్రం కావడం గమనార్హం. చిత్ర హీరోయిన్‌, ఇతర నటీనటులు, సాంకేతిక నిపుణుల ఎంపిక జరగాల్సి ఉంది.