బాహుబలిలో పాపులర్ అయిన పాత్ర శివగామి. శివగామి అంటే రమ్యక్రిష్ణనే గుర్తుకు వస్తారు. అయితే ఇప్పుడీ టైటిల్ సుహాసినికి వెళ్ళిపోయింది. సుహాసిని నటించిన కన్నడ చిత్రం నాని. తెలుగులో "శివగామి"గా రానుంది. మనీష్ ఆర్య, ప్రియాంకరావు, బేబి సుహాసిని, జై జగదీశ్, కల్పన, రాధ ముఖ్య పాత్రలు పోషించారు. ప్రస్తుతం డబ్బింగ్ కార్యక్రమాలు జరుపుకుంటున్న ఈ చిత్రం ట్రైలర్ ను ఈ నెల 15న విడుదల చేయనున్నారు. నిర్మాత రామసత్యనారాయణ మాట్లాడుతూ.. "బేబి సుహాసిని, సీనియర్ సుహాసినిల పెర్ఫార్మెన్స్ ఈ చిత్రానికి హైలైట్ గా నిలుస్తుంది. తెలుగులో ప్రముఖ గాయని గీతామాధురి, ఫేమస్ సింగర్ "గజల్" శ్రీనివాస్ కుమార్తె సంస్కృతీ "శివగామి"లో పాడడం విశేషం.
ఈనెల 15న ట్రైలర్ రిలీజ్ చేస్తున్నాం. హారర్ సినిమాల్లో "శివగామి" సరికొత్త ట్రెండ్ క్రియేట్ చేస్తుందనే నమ్మకముంది" అన్నారు.