భారతీయ మార్కెట్లలోకి విదేశీ పెట్టుబడుల ప్రవాహం ఉద్దృతంగా కొనసాగుతోంది. ఈ నెలలో ఇప్పటి వరకు దాదాపు రూ.3,700 కోట్లు స్టాక్‌మార్కెట్లోకి పెట్టుబడుల రూపంలో వచ్చాయి. ఆశాజనకంగా ఉన్న రుతుపవనాలు, స్థూలంగా ఆర్థిక వ్యవస్థ పనితీరు బాగుండటంతో పెట్టుబడిదారుల నమ్మకం పెరిగింది. ఈ మూడు నెలల్లో ఇప్పటి వరకు దాదాపు రూ. 32,000 కోట్లు మార్కెట్లలోకి వచ్చాయి.
ఫారెన్‌ పోర్టుఫోలియో ఇన్వెస్టర్లు (ఎఫ్‌పీఐ)లు భారీగా కొనుగోళ్లు జరిపారు. నవంబర్‌ నుంచి ఫిబ్రవరి వరకు దాదాపు రూ.41,661 కోట్లను వెనక్కి తీసుకున్న ఎఫ్‌పీఐలు ఇప్పుడు పెట్టుబడులకు ఆసక్తి చూపుతున్నారు.