పూరీ జగన్నాధ్ దర్శకత్వంలో తెరకెక్కుతోన్న ‘డబుల్ ఇస్మార్ట్’పై అటు రామ్ పోతినేనికీ, ఇటు పూరీ జగన్నాధ్‌కీ చాలానే ఆశలున్నాయ్. ఈ సినిమాతో ఎలాగైనా హిట్టు కొట్టి పూరీ జగన్నాధ్ తన మార్క్ నిలబెట్టుకోవాలి.

ఇమేజ్ డ్యామేజ్‌ని కంట్రోల్ చేసుకోవాలి. తాజాగా తన ఇమేజ్ తిరిగి తెచ్చుకోవాలి. ఇదంతా జరగాలంటే, మళ్లీ ఓ సూపర్ హిట్ కొట్టాల్సిందే.

అది ‘డబుల్ ఇస్మార్ట్’ రూపంలో ఆయన ముందుంది. ఇటీవలే రిలీజ్ చేసిన ఈ సినిమా టీజర్ ఓ మోస్తరు పాజిటివ్ టాక్ తెచ్చుకుంది. తనదైన మార్కు చూపించాడు ఈ టీజర్‌లో పూరీ జగన్నాధ్.

అయితే, ఇది చాలదు ఇంకా కావాలి. ఆ సంగతి అటుంచితే, ఈ సినిమాకి రిలీజ్ డేట్ ఫిక్స్ చేశారు. ‘పుష్ప 2’  రేస్ నుంచి తప్పుకోవడంతో ఆ డేట్‌ని ‘డబుల్ ఇస్మార్ట్’ లాక్ చేసుకుంది. నిజంగా ఇది లక్కీ ఛాన్సే అని చెప్పొచ్చు ‘డబుల్ ఇస్మార్ట్’కి.

ఇంతవరకూ ఏ డేట్‌లో లాక్ అవ్వాలో తెలియని అయోమయంలో వున్న పూరీ అండ్ కోకి లక్కీగా ఈ డేట్ దక్కింది. దాంతో, దూసుకెళ్లాలనుకుంటున్నాడు. సినిమాని మరింత శరవేగంగా పూర్తి చేసి, ప్రమోషన్లు మొదలెట్టాలనుకుంటున్నారట. పూరీ ప్రమోషన్లు స్టార్ట్ చేస్తే ఓ రేంజ్‌లో వుంటుంది. చూడాలి మరి. సినిమాకి ఏమాత్రం పాజిటివ్ బజ్ తీసుకొచ్చినా గట్టేక్కేసినట్లే మరి.