డ్రీమ్ బాయ్ ఇమేజ్‌తో పలు సూపర్ హిట్లు కొట్టిన హీరో వరుణ్ సందేశ్. ‘హ్యాపీ డేస్’ సినిమాతో సంచలన విజయం అందుకున్నాడు. ఆ తర్వాత ‘కొత్త బంగారు లోకం’ తదితర చాలా సూపర్ హిట్లు తన ఖాతాలో వేసుకున్నాడు.

అయితే, ఆ తర్వాత కెరీర్‌లో వెనకబడిపోయాడు. చాలా కాలంగా వరుణ్ సందేశ్‌ని దాదాపు మర్చిపోయారంతా. కానీ, తాజాగా ‘నింద’ అనే సినిమాతో ప్రేక్షకుల ముందుకొచ్చాడు.

డ్రీమ్ బాయ్ కాస్తా సీరియస్ లుక్స్‌లోకి మారిపోయాడు ఈ సినిమా కోసం. క్రైమ్ థ్రిల్లర్ నేపథ్యంలో తెరకెక్కిన ఈ సినిమా ఇటీవలే ధియేటర్లలో రిలీజైంది. తొలి రోజు టాక్ అంతంత మాత్రంగా వున్నప్పటికీ కొత్తదనం కోరుకునే ఆడియన్స్‌ని బాగానే ఎట్రాక్ట్ చేస్తోంది ‘నింద’ సినిమా.

దాంతో, కలెక్షన్లు బాగానే రాబడుతోంది. ప్రస్తుతం వరుణ్ సందేశ్‌కి వున్న ఇమేజ్‌కి ఈ సినిమా ఈ రకంగా కలెక్షన్లు రాబట్టడం ఆశ్చర్యకరమే అంటున్నారు సినీ మేధావులు.

ఏధి ఏమైతేనేం, మొత్తానికి ఓ పాజిటివ్ టాక్ అయితే తేచ్చుకుంది కాబట్టి.. ఇక నుంచి ఈ తరహా డిఫరెంట్ కథనాలపై వరుణ్ సందేశ్ ఫోకస్ పెట్టొచ్చన్నమాటే.