రియాద్: రియాద్‌లోని కింగ్ ఖలీద్ అంతర్జాతీయ విమానాశ్రయం ఈ ఏడాది మేలో విమాన షెడ్యూల్‌లలో ప్రపంచంలోని అత్యంత ఖచ్చితమైన విమానాశ్రయాలలో మొదటి స్థానంలో నిలిచింది.  ట్రిప్ ప్లానింగ్ సామర్థ్యాన్ని మెరుగుపరచడానికి విస్తృత శ్రేణి డేటా, విశ్లేషణల ఆధారంగా ఏవియేషన్ అనలిటిక్స్ రంగంలో అగ్రగామిగా ఉన్న సిరియమ్ డియో గ్లోబల్ ర్యాంకులను ప్రకటించింది. విమానాల గురించిన సమాచారాన్ని ఖచ్చితంగా అందించడం ద్వారా ప్రయాణికుల అనుభవాన్ని మెరుగుపరుస్తుందని తెలిపింది.  రియాద్ ఎయిర్‌పోర్ట్స్ కంపెనీ సీఈఓ అయ్మన్ అబు అబాబా స్పందించారు. అత్యున్నత స్థాయి కార్యాచరణ సేవలను అందించడానికి విమానాశ్రయం మరియు దాని భాగస్వాములు చేసిన నిబద్ధత ఫలితంగా ఈ ఘనత సాధించామని తెలిపారు.

కింగ్ ఖలీద్ అంతర్జాతీయ విమానాశ్రయం గత జనవరిలో సిరియమ్ డియోచే మూడవ స్థానంలో ఉండగా.. ప్రపంచంలోనే అత్యంత సమయపాలనతో కూడిన విమానాశ్రయంగా మొదటి స్థానానికి చేరుకుంది. ఇది కేవలం ఐదు నెలల్లో విమానాశ్రయం ప్రపంచ ర్యాంకింగ్‌లో సాధించిన వేగవంతమైన అభివృద్ధిని ప్రతిబింబిస్తుందని అబు అబాబా పేర్కొన్నారు.