దోహా: ఆస్పైర్ జోన్ ఫౌండేషన్ పిల్లల కోసం సమ్మర్ క్యాంప్ కోసం రిజిస్ట్రేషన్ ప్రారంభించినట్లు ప్రకటించింది.ఈ క్యాంప్ జూలై 21 నుండి ఆగస్టు 8 వరకు నిర్వహించనున్నారు.  పిల్లలకు ఆసక్తికరమైన మరియు ప్రయోజనకరమైన కార్యకలాపాలను అందించడం, వినోదభరితమైన కార్యకలాపాలలో పాల్గొనే అవకాశాన్ని కల్పించడం ఈ శిబిరం లక్ష్యం. ఈ శిబిరం 6 నుండి 12 సంవత్సరాల వయస్సు గల బాలబాలికలకు, వారానికి నాలుగు రోజులు ఉదయం 8:00 నుండి మధ్యాహ్నం 1:30 వరకు లేడీస్ స్పోర్ట్స్ హాల్‌లో వివిధ రకాల కార్యకలాపాలను అందిస్తుంది.  ఫుట్‌బాల్, బాస్కెట్‌బాల్, మార్షల్ ఆర్ట్స్, జిమ్నాస్టిక్స్, స్విమ్మింగ్ పాఠాలు, వినోద ఆటలు, డ్రాయింగ్‌లో  కోర్సులు ఉంటాయి.  శిబిరంలో పాల్గొనడానికి ఆసక్తి ఉన్నవారు అన్ని నిబంధనలు, రిజిస్ట్రేషన్ విధానాలను లింక్ (www.aspirezone.qa) ద్వారా తేలుసుకోవచ్చు.