అమ్మాన్: సిరియన్, పాలస్తీనియన్ శరణార్థులు, జోర్డాన్‌లోని హోస్ట్ కమ్యూనిటీకి మద్దతుగా మానవతా ప్రాజెక్టుల శ్రేణిని ప్రారంభించినట్టు కింగ్ సల్మాన్ సెంటర్ ఫర్ రిలీఫ్ అండ్ హ్యుమానిటేరియన్ ఎయిడ్ (KSrelief) జనరల్ సూపర్‌వైజర్ డాక్టర్ అబ్దుల్లా అల్ రబీహ్ వెల్లడించారు. అమ్మాన్‌లోని సౌదీ అరేబియా రాయబార కార్యాలయంలో ఈ మేరకు ప్రకటించారు. సహకరించినందుకు జోర్డాన్‌కు కృతజ్ఞతలు తెలిపారు.   సౌదీ అరేబియా రాజ్యం శరణార్థులకు వారి జీవితాలను పునర్నిర్మించడానికి, మెరుగైన భవిష్యత్తును పొందేందుకు మద్దతు ఇవ్వడానికి సిద్ధంగా ఉందని ఆయన తెలిపారు. శరణార్థులకు ఆహార భద్రతకు మద్దతుగా $12,800,000 చొరవను అమలు చేయడానికి KSrelief మరియు UN వరల్డ్ ఫుడ్ ప్రోగ్రామ్ (WFP) సహకార ఒప్పందంపై సంతకం చేశాయి. కింగ్ హుస్సేన్ క్యాన్సర్ సెంటర్ (KHCC) భాగస్వామ్యంతో గాజా స్ట్రిప్‌లోని క్యాన్సర్ రోగులకు చికిత్స చేసే ప్రాజెక్ట్ $3,615,800 ఖర్చుతో ప్రారంభించారు. జోర్డాన్ హాషెమైట్ ఛారిటీ ఆర్గనైజేషన్ (JHCO) భాగస్వామ్యంతో సిరియన్ మరియు జోర్డానియన్ అనాథల సంరక్షణ కోసం ఒక ప్రాజెక్ట్ $1,304,591 తో ప్రారంభించినట్టు వివరించారు.