నేచురల్ స్టార్ నాని హీరోగా వచ్చిన ‘జెర్సీ’ సినిమాలో హీరోయిన్‌గా నటించిన ముద్దుగుమ్మ శ్రద్ధా శ్రీనాధ్ గుర్తుందిగా. ఆ సినిమా ప్రమోషన్లలో ఈ అమ్మడు చేసిన హంగామా అంతా ఇంతా కాదు.. ‘పేరు గుర్తుందిగా శ్రద్ధా శ్రీనాధ్..’ అంటూ తనను తాను తెగ ప్రమోట్ చేసుకుందీ మలయాళ ముద్దుగుమ్మ.

నిజానికి విషయమున్న నటే. కానీ, తెలుగు మేకర్లు ఎందుకో పెద్దగా పట్టించుకోలేదు. ఆ తర్వాత వెంకటేష్ హీరోగా వచ్చిన ‘సైంధవ్’ సినిమాలో నటించింది. అయినా కానీ, పెద్దగా అవకాశాలు దక్కించుక్ోలేకపోయింది.

తమిళ, మలయాళ చిత్రాల్లో మంచి అవకాశాలు దక్కించుకుందీ అందాల బొమ్మ. అలాగే, ఆయా డబ్బింగ్ సినిమాలతో తెలుగులోనూ కొంత సెపరేట్ ఫ్యాన్ బేస్ క్రియేట్ చేసుకుంది కూడా.

ఇక, తాజాగా శ్రద్ధా శ్రీనాధ్ పేరు మళ్లీ వినిపిస్తోంది. బాబీ డైరెక్షన్‌లో బాలయ్య నటిస్తున్న సినిమాలో మొదట శ్రద్ధా శ్రీనాధ్ పేరు వినిపించింది. కొన్ని సీన్లు కూడా ఈమెపై చిత్రీకరించారనీ సమాచారమ్.

అయితే, తాజాగా ఆ ప్రాజెక్ట్ నుంచి శ్రద్ధా పేరును డిలీట్ చేసి, ఆ ప్లేస్‌ని ప్రగ్యా జైశ్వాల్‌తో రీప్లేస్ చేశారనీ తెలుస్తోంది. ఇందులో నిజమెంతో తెలీదు కానీ, బాలయ్య ఛాన్సిచ్చినా పాపం ఈ ముద్దుగుమ్మకి ఆ చాన్స్ దక్కలేదనేది టాక్.

అయితేనేం, యంగ్ హీరో విశ్వక్ సేన్ నటిస్తున్న కొత్త సినిమాలో శ్రద్ధా శ్రీనాధ్ పేరు వినిపిస్తోంది.