శంకర్ సినిమాల్లోని పాటలు వినసొంపుగానే కాదు, విజువల్ వండర్స్‌లా వుంటాయ్. అలాంటిది శంకర్ రీసెంట్ మూవీ ‘ఇండియన్ 2’లో ఆశించిన రీతిలో పాటల్లేకపోవడం ఒకింత నిరాశకు గురి చేసింది.

అయినా ఈ సినిమా ప్యాటర్న్ కంప్లీట్‌గా డిఫరెంట్. పేరుకే కమల్ హాసన్ సినిమా కానీ, కమల్ హాసన్‌ని ఏజ్డ్ అదీ నూరేళ్ల ముసలాడి గెటప్‌లో చూపించడంతో అక్కడ చేయడానికి ఏమీ లేకపోయింది. యంగ్‌స్టర్ సిద్దార్ధ అండ్ రకుల్ ప్రీత్‌పై ఓ సాంగ్ రెడీ చేసినా ఆ పాట అంతగా ఆకట్టుకోలేకపోయింది.

ఇక, శంకర్ నెక్స్‌ట్ మూవీ ‘గేమ్ ఛేంజర్’తో ఆ లోటు తీర్చేయాలనుకుంటున్నాడట శంకర్. ఇది అసలే రామ్ చరణ్ సినిమా. ఇద్దరు హీరోయన్లున్నారు. ఫ్లాష్ బ్యాక్‌లో అంజలి హీరోయిన్ కాగా, మరో హీరోయిన్ కైరా అద్వానీ. సో, ఈ సినిమాలో ఫ్యాన్స్‌కి కిర్రాకెత్తించేలా పాటలుండబోతున్నాయట.

ఏడు పాటల వరకూ ఈ సినిమాలో చొప్పించారని తెలుస్తోంది. అందులో ఆల్రెడీ ‘జరగండి..’ పాటని రిలీజ్ చేసిన సంగతి తెలిసిందే. సెకండ్ సింగిల్ సాంగ్ ఆగస్టులో వదిలేందుకు సన్నాహాలు చేస్తున్నారు.

‘క్రిస్‌మస్‌కి కలుద్దాం..’ అంటూ ఈ సినిమా రిలీజ్‌పై ఆల్రెడీ చరణ్ ఓ హింట్ ఇచ్చేశాడు. డిశంబర్ 20న ‘గేమ్ ఛేంజర్’ రిలీజ్ వుండొచ్చని అంచనా.