మస్కట్: బంగారం మరియు వెండిపై కస్టమ్స్ సుంకాలను 15 శాతం నుండి 6 శాతానికి తగ్గించాలని భారత ప్రభుత్వం తీసుకున్న నిర్ణయంతో భారతీయ ప్రవాసులు బంగారం కొనుగోళ్లు పెరిగే అవకాశం ఉందని ఒమన్ సుల్తానేట్‌లోని బంగారు వర్తకులు, ఆభరణాల వ్యాపారులు ఆశాభావం వ్యక్తం చేశారు. గల్ఫ్ దేశాల నుంచి కొనుగోలు చేసిన బంగారం అధిక నాణ్యతతో ఉంటుందని నమ్మకం ఉండటంతో ప్రవాసులను మరింత బంగారం కొనుగోలు చేసేలా ప్రోత్సహిస్తుందని స్థానిక వ్యాపారులు భావిస్తున్నారు.  “తగ్గిన దిగుమతి సుంకంతో కూడా, భారతదేశంతో పోలిస్తే ఒమన్‌లో బంగారం దాదాపు 5 శాతం తక్కువ ధరకే ఉంటుంది. ఈ దిగుమతి సుంకం తగ్గింపు ఒమన్‌లో బంగారం మరియు నగల కొనుగోళ్లను మరింత ఆకర్షణీయంగా చేస్తుంది.’’ అని మలబార్ గోల్డ్ & డైమండ్స్‌లో ఇంటర్నేషనల్ ఆపరేషన్స్ మేనేజింగ్ డైరెక్టర్ షామ్‌లాల్ అహమ్మద్ తెలిపారు.