మెగాస్టార్ చిరంజీవి బర్త్‌డే సందర్భంగా ఆయన తాజా చిత్రం ‘విశ్వంభర’ నుంచి అదిరిపోయే అప్డేట్ ప్లాన్ చేస్తున్నారట.

సినిమా థీమ్‌ని రివీల్ చేసేలా ఓ టీజర్ ప్లాన్ చేస్తున్నారనీ ఇన్‌సైడ్ సోర్సెస్ ద్వారా అందుతోన్న సమాచారం.

ఆగస్టు 22న మెగాస్టార్ చిరంజీవి పుట్టిన రోజు. ఆ రోజు మెగా అభిమానులు విభిన్న రీతుల్లో సెలబ్రేషన్స్ చేసుకుంటుంటారు. అలాగే, ఆయన నటించే సినిమాలకు సంబంధించిన అప్డేట్స్ రిలీజ్ చేస్తూ ఫ్యాన్స్‌కి సర్‌ప్రైజింగ్ గిఫ్ట్స్ ఇస్తుంటారు.

అలా ‘విశ్వంభర’ ఈ సారి మెగాస్టార్ చిరంజీవి నుంచి వస్తోన్న ఓ డిఫరెంట్ ఫ్యాంటసీ మూవీ. టైమ్ ట్రావెల్ నేపథ్యంలో మూడు కాలాల ప్రస్థావనతో ఈ సినిమా తెరకెక్కబోతోందని డైరెక్టర్ వశిష్ట ఆల్రెడీ చెప్పారు.

వశిష్టకు ఇది రెండో చిత్రం. అది కూడా మెగాస్టార్ చిరంజీవితో. సో, చాలా ప్రెస్టీజియస్‌. ఫస్ట్ ఇంప్రెషన్ ఈజ్ ది బెస్ట్ ఇంప్రెషన్ అనేలా వుండాలి ఈ సినిమా నుంచి రాబోయే టీజర్. అందుకే చాలా జాగ్రత్తగా ఫోకస్డ్‌గా ప్లాన్ చేస్తున్నాడట. త్రిష, ఆషికా రంగనాధ్ తదితరులు ఈ సినిమాలో హీరోయిన్లుగా నటిస్తున్న సంగతి తెలిసిందే.