నేచురల్ స్టార్ నాని హీరోగా రూపొందుతోన్న తాజా చిత్రం ‘సరిపోదా శనివారం’. ఈ సినిమాకి సంబంధించి ఫస్ట్ అప్డేట్ నుంచీ ఒక రకమైన ఆసక్తి క్రియేట్ చేస్తున్నారు చిత్ర బృందం.

టైటిల్ గుర్తుండేలా ప్రతి శనివారం ఏదో ఒక సర్‌ప్రైజ్ ఇస్తూ వస్తున్నారు. ఇక సినిమా రిలీజ్ డేట్ దగ్గర పడడంతో ఈ శనివారం ట్రైలర్ రిలీజ్‌కి ముహూర్థం ఫిక్స్ చేశారు.
ఈ విషయాన్ని సినిమా నిర్మాత డివివి దానయ్య సోషల్ మీడియా హ్యాండిల్ ద్వారా ప్రకటించారు.

ఆగస్టు 13న ‘సరిపోదా శనివారం’ ట్రైలర్ రిలీజ్ చేస్తున్నామంటూ ఓ ఆసక్తికరమైన పోస్ట్ కూడా పెట్టారాయన సోషల్ మీడియాలో. ‘సోకులపాలెం ప్రజలు చాలా ఆసక్తిగా వున్నారు. అడ్రినలిన్ పంపింగ్ సరిపోదా శనివారం ట్రైలర్ రిలీజ్ చేస్తున్నాము..’ అంటూ డివివి దానయ్య ట్విట్టర్‌లో పోస్ట్ పెట్టారు. అలాగే ఓ మేకింగ్ వీడియో కూడా రిలీజ్ చేశారు.

ఈ మేకింగ్ వీడియోతో సినిమాపై మరిన్ని అంచనాలు పెరిగాయ్. ఈ నెల 26న ‘సరిపోదా శనివారం’ ప్రేక్షకుల ముందుకు రానుంది.

నాని కెరీర్‌లో బిగ్గెస్ట్ బడ్జెట్ చిత్రంగా ఈ సినిమా రూపొందుతోన్న సంగతి తెలిసిందే. వివేక్ ఆత్రేయ దర్శకత్వంలో రూపొందుతోన్న ఈ సినిమాలో ప్రియాంకా అరుల్ మోహనన్ హీరోయిన్‌గా నటిస్తోంది.