మెగా పవర్ స్టార్ రామ్ చరణ్ నటించిన ‘గేమ్ ఛేంజర్’ సినిమా రిలీజ్‌కి రంగం సిద్ధమవుతోన్న సంగతి తెలిసిందే. డిశంబర్‌లో ఈ సినిమా వుంటుందని ఇప్పటికే హింట్స్ ఇచ్చారు.
క్రిస్మస్‌కి వస్తున్నా.. అంటూ రామ్ చరణ్ కూడా మొన్నా మధ్య సోషల్ మీడియాలో రెస్పాండ్ అయిన సంగతీ తెలిసిందే. అయితే అధికారికంగా చిత్ర యూనిట్ నుంచి ప్రకటన రాలేదంతే.
అందుకూ తాజాగా సెట్ చేస్తున్నట్లు ఇన్సైడ్ సోర్సెస్ ద్వారా అందుతోన్న సమాచారం. వినాయక చవితి రోజున అందుకు ముహూర్తం ఫిక్స్ చేశారట. రిలీజ్ డేట్ అనౌన్స్‌మెంట్‌తో పాటూ, అదే రోజు సినిమాకి సంబంధించి గ్లింప్స్ కూడా రిలీజ్ చేసే అవకాశమున్నట్లు తెలుస్తోంది.
శంకర్ దర్శకత్వంలో తెరకెక్కుతోన్న ఈ సినిమాకి సంబంధించి కొన్ని లీక్‌డ్ ఫోటోలు చరణ్ క్యారెక్టర్‌ని అంచనా వేసేశాయ్. రెండు డిఫరెంట్ వేరియేషన్స్‌లో చరణ్ క్యారెక్టర్ వుండబోతోందనీ తెలిసిపోయింది.
అలాగే, సినిమాకి పొలిటికల్ బ్యాక్ డ్రాప్ మెయిన్ అస్సెట్‌గా వుండబోతోందని కూడా విశ్వసనీయ వర్గాల ద్వారా అందుతోన్న సమాచారం. ఏది ఏమైనా వినాయక చవితి రోజు రాబోయే అప్డేట్‌తో ఇంకా ఓ క్లారిటీ రావొచ్చనుకోవచ్చు. లెట్స్ వెయిట్ అండ్ సీ.!