సెప్టెంబర్ 1, 2024 నుండి భారత దేశ వ్యాప్తంగా బైక్ మరియు స్కూటర్ నడిపే వారికి కొత్త ట్రాఫిక్ నిబంధనలు అమలులోకి వచ్చాయి.ఈ నిబంధనల ప్రకారం,హెల్మెట్ సరిగ్గా ధరించకపోతే లేదా నాన్-స్టాండర్డ్ హెల్మెట్ వాడిన లేదా మద్యం సేవించి వాహనం నడిపినా భారీ జరిమానా విధించబడుతుంది దాంతో పాటు మీ లైసెన్స్ రద్దు చేయబడుతుంది.

కొత్త నిబంధనల ముఖ్యాంశాలు:

హెల్మెట్ సరిగ్గా ధరించాలి: హెల్మెట్ సరిగ్గా బిగించి ఉండాలి మరియు బ్యూరో ఆఫ్ ఇండియన్ స్టాండర్డ్స్ (BIS) నిర్దేశించిన భద్రతా ప్రమాణాలకు అనుగుణంగా ఉండాలి. ఈ నిబంధనలను పాటించడంలో విఫలమైతే గరిష్టంగా రూ.2000 జరిమానా విధించబడుతుంది. నాన్-స్టాండర్డ్ హెల్మెట్ వాడితే కూడా జరిమానా విధించబడుతుంది.

నాన్-స్టాండర్డ్ హెల్మెట్ల వాడకం: BIS ప్రమాణాలకు అనుగుణంగా లేని హెల్మెట్ వాడితే రూ. 1000 జరిమానా విధించబడుతుంది. ఇంకా హెల్మెట్ సరిగ్గా ధరించకపోయినా, BIS ప్రమాణాలకు అనుగుణంగా లేక పోయినా ఫైన్ విధిస్తారు.

లైసెన్స్ రద్దు: ఈ నిబంధనలను ఉల్లంఘించినట్లయితే, మీ డ్రైవింగ్ లైసెన్స్ రద్దు చేయబడవచ్చు. ఈ కొత్త నిబంధనల అమలుతో, రహదారి భద్రతను మెరుగుపరచడం మరియు ప్రమాదాల సంఖ్యను తగ్గించడం లక్ష్యంగా పెట్టుకున్నారు.

లైసెన్స్ రద్దు కాకుండా ఉండాలంటే:

• డ్రైవింగ్ సమయంలో మొబైల్ ఫోన్ వాడకూడదు.
• డ్రైవింగ్ సమయంలో మద్యం సేవించడం కఠినంగా నిషేధించబడింది. ట్రాఫిక్ సిగ్నల్స్ మరియు రోడ్డు మార్కింగ్‌లను పాటించాలి.
• ఈ నిబంధనల అమలుతో, రహదారి భద్రతను మెరుగుపరచడం మరియు ప్రమాదాల సంఖ్యను తగ్గించడం లక్ష్యంగా పెట్టుకున్నారు. ఈ నిబంధనలను పాటించడం ద్వారా, మీరు మరియు మీ చుట్టుపక్కల వారిని రక్షించవచ్చు.

--వేణు పెరుమాళ్ల✍🏼(మాగల్ఫ్ ప్రతినిధి)