దుబాయ్: సౌత్ ఇండియన్ బిజినెస్ అవార్డ్స్ (SIBA), సెప్టెంబర్ 13న దుబాయ్‌లో తన ఆరవ వార్షిక ఈవెంట్‌ను నిర్వహించింది. ప్రపంచవ్యాప్తంగా ఉన్న భారతీయుల వ్యవస్థాపక స్ఫూర్తి, ఆవిష్కరణ మరియు అసాధారణమైన విజయాలను గుర్తించి, సత్కరించడంలో  ప్రఖ్యాతి గాంచింది SIBA. 

అసాధారణమైన స్థితిస్థాపకత, సృజనాత్మకత మరియు అంకితభావాన్ని ప్రదర్శించిన వ్యాపారవేత్తలు, నాయకులు మరియు ఆవిష్కర్తలు - వ్యాపార ప్రపంచంలోని అద్వితీయమైన హీరోలను గుర్తించి, ప్రశంసించడాన్ని SIBA విశ్వసిస్తుంది. వారి అద్భుతమైన విజయగాథలను మరియు వారి ప్రయాణంలో వారు నేర్చుకున్న పాఠాలను పంచుకోవడం ద్వారా తరువాతి తరం భారతీయ పారిశ్రామికవేత్తలను ప్రేరేపించడమే లక్ష్యంగా సాగుతోంది SIBA. 

ఈ సంవత్సరం వ్యాపారరంగంలో తమకంటూ ఓ ఉన్నతస్థానాన్ని సాధించిన టీవీ5 కు ప్రతిష్ఠాత్మక అవార్డును ఇచ్చి గౌరవవించింది.ఈ అవార్డు ను టీవీ5 ఎండీ రవీంద్రనాథ్ అందుకున్నారు. 

SIBA బ్లాక్-టై ఈవెంట్‌లో అగ్రశ్రేణి భారతీయ వ్యాపారులు, చలనచిత్ర ప్రముఖులు, యూఏఈ ప్రభుత్వ మంత్రులు, దక్షిణ భారత రాష్ట్ర ప్రభుత్వ ప్రతినిధులు, భారత ప్రభుత్వానికి చెందిన ముఖ్య ప్రభుత్వ అధికారులు, దక్షిణ భారత చలనచిత్ర తారలు మరియు ఇతర VIPలు హాజరయ్యారు. దుబాయ్ లో జరిగిన ఈ కార్యక్రమంలో వ్యాపార దిగ్గజాల సన్మానం, స్టార్ట్-అప్ అవార్డుల ప్రదర్శన మరియు వివిధ దక్షిణ భారత రాష్ట్రాల్లో  గల వ్యాపార అవకాశాలను ప్రదర్శించడం జరిగింది.