ఎక్కువసేపు ట్రాఫిక్ మధ్య గడిపెవరిలో మానసిక ఆందోళన, ఒత్తిడితో పాటు రక్తపోటు కూడా ఎక్కువగానే ఉంటుందన్న విషయం లండన్ లోని క్వీన్ మేరి యూనివర్సిటీ వారు నిర్వహించిన పరిశోధనలో వెల్లడైంది. విపరీతమైన ట్రాఫిక్ వలన వాతావరణ కాలుష్యంతో పాటు అది వ్యక్తుల ఆరోగ్యం మీద తీవ్ర ప్రభావాన్ని చూపుతుందని వారు చెబుతున్నారు. వాహనాల రణగొణ ధ్వనులు ఒత్తిడిని పెంచడంతో పాటు విపరీతమైన చికాకు కలిగిస్తాయని వారు అంటున్నారు.

సుమారు వంద మంది మీద వీరు పరిశోధనలు నిర్వహించారు.ట్రాఫిక్ లో ఉన్న సమయంలో వారి రక్తపోటును, మానసిక స్థితిని, ట్రాఫిక్ లో లేని సమయంలో వారి రక్తపోటును, మానసిక స్థితిని పరిశీలించారు.మామూలు కన్నా కూడా ట్రాఫిక్ లో ఉన్న సమయంలో రక్తపోటు ఎక్కువగా ఉండడమే కాకుండా వారిలో ఒత్తిడి, ఆందోళన ఎక్కువగా ఉండడం వీరు గమనించారు.