మలయాళ మెగాస్టార్‌గా ఎన్నో పేరు ప్రఖ్యాతలు సంపాదించుకున్న మోహన్‌లాల్ ప్రస్తుతం రెండు తెలుగు ప్రాజెక్టులలో నటిస్తున్నాడు. అందులో ఒకటి కొరటాల శివ దర్శకత్వంలో తెరకెక్కుతున్న జనతా గ్యారేజ్ కాగా, మరొకటి చంద్రశేఖర్ యేలేటి దర్శకత్వం వహించిన మనమంతా. ఈ రెండు సినిమాలలో కీలక పాత్ర పోషిస్తున్నాడు మోహన్ లాల్. అయితే ఈ చిత్రాల కోసం మోహన్ లాల్ ఏకంగా తెలుగు నేర్చేసుకున్నాడు. కొన్నాళ్ళ నుండి తెలుగుపై పట్టు సాధించేందుకు చాలా కృషి చేసాడు మోహన్ లాల్. ప్రస్తుతం ఆయన తెలుగు చాలా స్పష్టంగా మాట్లాడుతున్నాడు. ఇక తను నటిస్తున్న రెండు తెలుగు సినిమాలలో తానే ఓన్ డబ్బింగ్ చెప్పుకోవడానికి ఉత్సాహం చూపిస్తున్నాడు మోహన్ లాల్.చంద్రశేఖర్ యేలేటి మూవీ మనమంతాకి డబ్బింగ్ మొదలు పెట్టేశాడు కూడా. వాటికి సంబంధించిన కొన్ని ఫోటోలను పోస్ట్ చేశాడు ఈ మలయాళ సూపర్ స్టార్. మోహన్ లాల్ చేస్తున్న కృషిపై పలువురు ప్రశంసలు కురిపిస్తున్నారు.