‘దేవర’ సినిమాతో మిక్స్‌డ్ టాక్ తెచ్చుకున్నాడు జూనియర్ ఎన్టీయార్.ఎలాగోలా దసరా సెలవుల్ని క్యాష్ చేసుకుంటూ నడిచిపోతోంది ‘దేవర’ సినిమా. హిట్ అనీ చెప్పలేం.అలా అని డిజాస్టర్ అని కూడా అనలేం.
ఏదో అలా అలా సెలవుల ఫ్లోలో కొట్టుకెళ్లిపోతోంది. ఆ సంగతి అటుంచితే, ఎన్టీయార్ నెక్స్‌ట్ ప్రశాంత్ నీల్ సినిమాని పట్టాలెక్కించబోతున్నాడట.
‘దేవర’ రిజల్ట్‌తో ప్రశాంత్ నీల్ సినిమాని చాలా సీరియస్‌గా తీసుకున్నాడట ఎన్టీయార్. ఈ సినిమాతో ఎలాగైనా సంచలన విజయం అందుకోవాలనుకుంటున్నాడు.
ప్రశాంత్ నీల్ మీద ఆ నమ్మకం కూడా వుంది. ఇక, ఈ సినిమాకి హిట్ కలర్స్ అద్దబోతున్నారట. అందులో భాగంగానే హీరోయిన్ల ఎంపిక జరుగబోతోందనీ తెలుస్తోంది.
ప్రస్తుతం నేషనల్ క్రష్ అండ్ లక్కీ లెగ్ రష్మికా మండన్నాని హీరోయిన్‌గా తీసుకోవాలనుకుంటున్నారట. అలాగే, ప్రశాంత్ నీల్ సినిమాల్లో స్పెషల్ సాంగ్స్‌కి ఓ స్పెషాలిటీ వున్న సంగతి తెలిసిందే.
గతంలో ‘కేజీఎఫ్’ కోసం తమన్నాతో స్పెషల్ సాంగ్ చేయించాడు ప్రశాంత్ నీల్. అలాగే, ఈ సారి ఎన్టీయార్ సినిమా కోసం సమంతని తీసుకోవాలనుకుంటున్నాడనీ తెలుస్తోంది.
సమంత ఫస్ట్ టైమ్ స్పెషల్ సాంగ్ చేసిన ‘పుష్ప’ బ్లాక్ బస్టర్ హిట్ కొట్టిన సంగతి తెలిసిందే. ఈ సినిమాతో పాటూ, సమంత చేసిన ‘ఊ అంటారా.. ’ స్పెషల్ సాంగ్ ఏ స్థాయిలో సెన్సేషనల్ అయ్యిందో ప్రత్యేకంగా చెప్పక్కర్లేదు. సో, ప్రశాంత్ నీల్ - ఎన్టీయార్ సినిమాకి ఈ సెంటిమెంట్ ఫాలో చేయాలనుకుంటున్నారట. చూడాలి మరి, ఇది కేవలం ప్రచారమేనా.? నిజంగానే సమంత సాంగ్ వుండబోతోందా అనేది.!