చెన్నై: చెన్నైకి చెందిన టీమ్‌ డీటెయిలింగ్‌ సొల్యూషన్స్‌ సంస్థ ఇటీవల తమ ఉద్యోగులకు కార్లు మరియు బైకులు బహుమానంగా అందించింది. ఈ సంస్థ మొత్తం 28 మంది ఉద్యోగులకు కార్లు మరియు 29 మంది ఉద్యోగులకు బైకులు అందించింది. 

ఈ కార్యక్రమం సంస్థ విజయానికి కీలకంగా పనిచేసిన ఉద్యోగులను గుర్తించడంలో భాగంగా నిర్వహించబడింది. సంస్థ మేనేజింగ్‌ డైరెక్టర్‌ శ్రీధర్‌ కన్నన్‌ ఈ సందర్భంగా మాట్లాడుతూ, "ఉద్యోగులే మా సంస్థకు విలువైన ఆస్తి. వారి కృషి మరియు నిబద్ధతకు గుర్తింపుగా ఈ బహుమతులు అందిస్తున్నాం" అని తెలిపారు.

కార్లలో హ్యుందాయ్‌, టాటా, మారుతీ సుజుకీ, మెర్సిడెస్‌ బెంజ్‌ వంటి ప్రముఖ బ్రాండ్లు ఉన్నాయి. బైకుల విషయంలో కూడా మంచి బ్రాండ్లను ఎంపిక చేశారు. ఈ కార్యక్రమం ద్వారా ఉద్యోగుల కృషిని గుర్తించి, వారికి మరింత ప్రోత్సాహం అందించాలనే ఉద్దేశంతో ఈ బహుమతులు అందించారు.

--వేణు పెరుమాళ్ల(మాగల్ఫ్ ప్రతినిధి)