'నా అల్లుడు', 'విశాఖ ఎక్స్‌ప్రెస్‌' చిత్రాలతో ప్రేక్షకులను అలరించిన దర్శకుడు ముళ్లపూడి వరా. పల్లెటూరి నేపథ్యంలో ఆయన తెరకెక్కించిన తాజా చిత్రం 'కుందనపు బొమ్మ'. సుధాకర్‌ కోమకుల, సుధీర్‌వర్మ, చాందినిచౌదరిలు ప్రధాన ప్రాతలు పోషించారు. ఈ చిత్రానికి సంబంధించిన ట్రైలర్‌ను బుధవారం విడుదల చేశారు. మనవైన భావోద్వేగాలు, స్వచ్ఛమైన హస్యంతో సాగే చిత్రమని దర్శకుడు పేర్కొన్నారు. అన్ని కార్యక్రమాలు పూర్తి చేసుకున్న 'కుందనపు బొమ్మ'ను జూన్‌ 24న విడుదల చేయనున్నట్లు తెలిపారు. ఈ చిత్రానికి ఎమ్‌.ఎమ్‌.కీరవాణి సంగీతం సమకూర్చారు.